1821 ENGLISH POETRY 1579-1830: SPENSER AND THE TRADITION

Robert Burns

Anonymous, "Verses on Burns' Punch Bowl, written extempore, at the House of R— B—" Port Folio [Philadelphia] S4 12 (December 1821) 485.



Thou bonie, tosh, wee, modest bowl,
When wayward fate would dare to scowl,
How aft thou's cheer'd Burns' drooping soul,
When prim'd wi' nappy,
Round him and thee care then might growl,
But he was happy.

Though death, felonious, snatch'd away—
The richest gem frae Scotia's lay,
And left thee fatherless to stray
'Mang deeps and shallows,
End now thy woes, thou's found the way
'Mang honest fellows.

For here's mysel, a funny loun;
And there's my jovial neighbour B—n;
A better chiel to our Auld Town
Ne'er came before,
He's drawn us round thee, — now we'll drown
A' care — encore!

Sae fill the glass, but e'er we pree,
Round this dear relic reverently,
We'll brighten Scotland's downcast e'e.
For sair she mourns,
And toast thy honoured memory
Immortal BURNS!