Fitz-Greene Halleck

Sigma, "To Fitz Green Halleck, Esq. on his Poem to Burns" The New-York Mirror and Ladies' Literary Gazette 4 (20 January 1827) 203.

Oh! sweetly frae the gleamin' skies
That smile on "bonnie Doon,"
When morn's effulgent splendours rise,
Comes monie a thrillin' tune,
But truest o' the airts that come
Frae the departed blest,
Is Robie's ain, that greets thee hame—
Bard o' the sunny west!

His spirit frae yon realm o' day,
Aboon the grasp o' death!
Aye ca's the rose o' Alloway
To lend its balmy breath;
To lend its balmy breath, an' bear
His fondest thanks to thee,
What gave his merits to the air
Amang the brave an' free!

That proud, firm man, by heaven designed
To raise his name and line:
Wha' kept unstained the gem o' mind—
Nor e'er asked leave to shine,
Wha' smiled in calmest scorn, when reft
O' house, an' hame, an' glen:
What claimed fame's thousand warlds, an' left
This warld to common men.

That patriot-peasant — dauntless, bold,
When frowning lairds were thrang;
Wha' ne'er the poet's treasure sold—
His independent sang!
Wha' was by friendless "poortith" driven
Till nae ignoble deed,
His spirit frae his hame in heaven
Ca's blessings on thy head.

That sweet wild rose — the inspiring cause
O' thy immortal tune,
Shall aften bid the stranger pause
On the braes o' hallowed Doon.
As he, to part the stem, shall bow,
In its bright wave's whimplin' turns,
Shall start to see the thoughtful brow
O' Scotia's only Burns!